LUÍSA VILLAR LIÉBANA, VISÍTANOS

Onte, 24 de novembro, tivemos unha visita moi especial. Veu Luísa Villar Líebana, a autora do libro "El duende de la ñ".
Explicounos como se lle ocorreu escribir o libro e ensinounos fotos de "duendes" e díxonos de onde era cada un.
Preguntamos todo o que nos causou curiosidade e despois asinounos os exemplares dos libros que xa tiñamos lidos.

20 DE NOVEMBRO: OS DEREITOS DA INFANCIA

AS MASCOTAS DE CUARTO, MAVERA E MURSI, LEMBRÁRONNOS, POR SE SE NOS ESQUECÍA, QUE MAÑÁ SE CELEBRABA O DÍA DOS DEREITOS DAS NENAS E DOS NENOS.
SABEMOS QUE TEMOS UNS DEREITOS MOI IMPORTANTES E QUE DESGRAZADAMENTE NO MUNDO HAI NENAS E NENOS QUE NON GOZAN DELES. O CURSO PASADO LEMBRABAMOS O NOSO DEREITO A TER UN NOME DIGNO.
ESTE CURSO IMOS TRABALLAR CO DEREITO A MEDRAR SAUDABLEMENTE NO PLANO FÍSICO, MORAL, SOCIAL E PSICOLÓXICO. PARA FACER O TRABALLO IMOS LER UNHA HISTORIA ADAPTADA QUE NOS PERMITIRÁ DEBATER DESPOIS.

ESTIVEMOS TRABALLANDO ARREO E INVESTIGANDO SOBRE O CASTIÑEIRO

Levamos uns días investigando sobre o clima, a metereoloxía... as condicións idóneas para que medren castiñeiros. Investigando, investigando fixemos algún traballiño xeitoso. Velaquí algún dos resultados.

SEGUIMOS COA METEREOLOXÍA

AS MASCOTAS MANDÁRONOS UNHA PROPOSTA DE INVESTIGACIÓN PARA A EXPOSICIÓN "A CIENCIA NO MAGOSTO": TEMOS QUE INVESTIGAR SOBRE O CLIMA E A METEREOLOXÍA IDEAL PARA QUE O CASTIÑEIRO MEDRE E DEA CASTAÑAS. NISO ANDAMOS AGORA, FACENDO DE CIENTÍFICAS E CIENTÍFICOS.
XA ESTÁN APARECENDO NAS CLASES UNHAS INFORMACIÓNS MOI, PERO QUE MOI AXEITADAS...

FACEMOS ESTRATEXIAS COOPERATIVAS

Levamos varias sesións traballando cunha estratexia de aprendizaxe cooperativa, titúlase " A pelota". Estamos aprendendo a que o noso grupo de clase se cohesione. Ides ver unhas fotos: