ATA SETEMBRO!

IMOS DE VACACIÓNS.
AS MASCOTAS MARCHAMOS DESCANSAR, TAMÉN APROVEITAREMOS PARA LER E ESCRIBIR,E SOBRE TODO PARA REPASAR DIFERENTES COUSIÑAS QUE APRENDEMOS NA ESCOLA. XOGAREMOS MOITO E APRENDEREMOS COUSAS NOVAS NAS VIAXES.
VÉMONOS O 12 DE SETEMBRO EN 5º!
ABURIÑO!!!

UNHA VACALOURA NA CLASE

HOXE TIVEMOS VISITA DUNHA ESPECIE CURIOSA: UNHA VACALOURA.
OBSERVÁMOLA, ENSINÁMOSLLA AO ALUMNADO DE INFANTIL, BUSCAMOS INFORMACIÓN SOBRE ELA EN INTERNET E PUIDEMOS VER PARTE DO SEU CORPO NUNHA LUPA BINOCULAR. DESPOIS CEIBÁMOLA ONDA AS ÁRBORES DO PATIO.

ACOLLIDA DE 4º EN 5º

ESTES DÍAS ESTAMOS VISITANDO 5º E COMPARTINDO ACTIVIDADES. O VINDEIRO CURSO ESTAREMOS NO MESMO CICLO.
FIXEMOS UNHA ACTIVIDADE MOI BONITA CONXUNTAMENTE. CONTARÉMOSVOLA MÁIS ADIANTE...

DÍA MUNDIAL DO MEDIO AMBIENTE E A NOSA COLABORACIÓN

O 5 DE XUÑO É O DÍA MUNDIAL DO MEDIO AMBIENTE, COIDALO É A NOSA OBRIGA. CONCIENCÉMONOS.
ESTE ANO A INDIA SERÁ POR PRIMEIRA VEZ NA HISTORIA ANFITRIONA DO Día Mundial dO Medio Ambiente 2011. DEDÍCASE AOS BOSQUES E Á IMPORTANCIA QUE TEÑEN PARA CONSERVAR O MEDIO AMBIENTE.

A PRENSA

NESTA SEMANA PRÓXIMA IMOS TRABALLAR COA PRENSA.
SABEDES QUE SECCIÓNS TEN UN XORNAL? E UN XORNAL DIXITAL?
IMOS INVESTIGAR O QUE SON OS PÉS DE FOTO, OS TÍTULOS E SUBTÍTULOS, AS ENTRADIÑAS, OS FILETES, AS COLUMNAS...
TAMÉN IMOS RESUMIR NOTICIAS EN PIRÁMIDES E INVENTAR NOTICIAS PARA UN XORNAL MURAL.

O TERREMOTO DE XAPÓN

A MASCOTA MÁNDANOS UNHA CARTA SOBRE O TERREMOTO DE XAPÓN. ESTÁ MOI PREOCUPADA POR...

- COMO ESTABAN EN ALERTA PAÍSES DE TAN LONXE DE XAPÓN COMO CHILE...
- POLO TEMA DAS CENTRAIS NUCLEARES QUE FORON AFECTADAS E QUE NON FUNCIONAN BEN
- POR COMO ACTUAR ANTE UN TERREMOTO
- POR SABER CALES FORON OS TEREMOTOS MÁIS FORTES DA HISTORIA...
IMOS INVESTIGAR E COMENTAR EN CLASE.
PODEMOS VER DATOS CLICANDO AQUÍ. , AQUÍ E AQUÍ.

MENTIMOS: AS NENAS ERAN NENOS E OS NENOS... NENAS

HOXE DIXEMOS UNHA MENTIRA ENORME: AS NENAS ERAN NENOS... OS NENOS ERAN NENAS... A VER SE NOS DISTINGUIDES:

RAVACHOL E PERFECTO FEIJOO

INVESTIGAMOS SOBRE O ENTROIDO EN PONTEVEDRA. ESTE ANO INTERÉSANNOS PERFECTO FEIJOO E O SEU LORO RAVACHOL. ESTÁN QUEDÁNDONOS UNHAS LIÑAS BIOGRÁFICAS MOI INTERESANTES. XA VOS AMOSAREMOS ALGUNHAS.

VISITAMOS O SALÓN DO LIBRO

O DÍA 9 DE FEBREIRO TODO O ALUMNADO DE 4º FOMOS DE VISITA AO SALÓN DO LIBRO.

PREVIAMENTE NAS AULAS NOS DISTRIBUÍMOS EN DOUS GRUPOS PARA PARTICIPAR NOS TALLERES QUE SE ORGANIZABAN NO SALÓN.
UN GRUPO FOI AO TALLER DE SOMBRAS CHINESCAS   E O OUTRO A UN TALLER QUE SE CHAMABA "PINTANDO MENTIRAS"
NO  TALLER DO 1º GRUPO TRABALLARON CON SOMBRAS CHINESCAS. QUE DIVERTIDO! OS MONITORES PRESENTARONNOS UN TEATRO CON SOMBRAS CHINESCAS E LOGO DERONNOS A CADAQUÉN O MATERIAL NECESARIO PARA A SÚA ELABORACIÓN.
DEBUXAMOS PERSONAXES DO CONTO "O GATO CON BOTAS", RECORTAMOS E MONTAMOS AS FIGURAS NUNS PAUCIÑOS. QUEDARON PRECIOSAS E O MONITOR AS UTILIZOU PARA ESCENIFICAR O CONTO COMO TEATRO DE SOMBRAS.
NO TALLER DO 2º GRUPO PASÁMOLO MOI BEN COA ACTIVIDADE, POIS DESPOIS DE QUE A MONITORA  NOS FALASE DA PINTURA SURREALISTA E DE COMO PODEMOS XOGAR COA NOSA IMAXINACIÓN, PRESENTOUNOS UN LIBRO MOI CHULO "OH!" E REPARTÍUNOS UNS DEBUXOS PARA XOGAR A POR "EN MARCHA" A NOSA IMAXINACIÓN.
SAÍRON DEBUXOS MOI INTERESANTES E DIVERTIDOS COS CALES ELABORAMOS DESPOIS UN CONTO E  EXPUXÉMOLO A TODO O GRUPO E RECIBIMOS COMO PREMIO DA NOSA AUDIENCIA UN CALUROSO APLAUSO.
MÁIS TARDE PASAMOS A UNHA SALA DECORADA PARA FACER "REUNIÓNS DE MENTIREIROS". ALÍ  LEMOS MENTIRAS DE PERSONAXES DE CONTOS QUE TODAS E TODOS COÑECEMOS.
FIXEMOS UN PERCORRIDO POLA EXPOSICIÓN DE TRABALLOS DOS COLEXIOS E ATOPAMOS O NOSO: QUE BONITO ESTABA!
LOGO ESTIVEMOS NA SALA ADICADA A GLORIA SÁNCHEZ ONDE NOS EXPLICARON COUSAS RELACIONADAS COA SÚA OBRA.
ADENTRÁMONOS NUNHA SALA PRECIOSA DE CONTACONTOS E TIVEMOS QUE PASAR A TRAVÉS DUN BURATO QUE PARECÍA A PORTA SECRETA DUNHA LIBRARÍA. ATA ATOPAMOS UNS RATOS ALÍ AGACHADOS.
AS MENTIRAS PODEN AVALIARSE E POR ISO TIVEMOS QUE PASAR POLO "MEDIDOR DE MENTIRAS" A VER QUEN DICÍA A MENTIRA MÁIS GORDA!!
UNHA SALA UN TANTO DESCONCERTANTE FOI A CHAMADA "ARRIBA E ABAIXO" XA QUE NELA HABÍA UN MONTÓN DE ESCALEIRAS NUN CASTELO QUE NOS ÍAN A NINGÚN SITIO.
NOUTRA QUE SE CHAMABA "MIRAMUNDOS" ATOPAMOS UNHAS VENTÁS CON DECORADOS NOS QUE TIVEMOS QUE POÑER DE NOVO A TRABALLAR A NOSA IMAXINACIÓN POIS CADAQUÉN VÍA UNHA COUSA DIFERENTE.
REMATAMOS A VISITA FACENDO UNHA PARADIÑA NA BIBLIOTECA E DEIXANDO ALÍ UNA "RECORDO NOSO":NO TABOLEIRO CON "CADERNOS DE MENTIRAS" ESCRIBIMOS ALGUNHAS MOI CURIOSAS E DIVERTIDAS
GUSTOUNOS MOITO A VISITA E ATOPAR ALÍ O TRABALLO QUE FIXO O NOSO COLE.

INVESTIGACIÓNS E OBSERVACIÓNS VARIAS

Durante a semana pasada estivemos observando minerais,foi unha experiencia moi interesante, vimos as súas características, as diferenzas,...
Tamén investigamos sobre as fábulas, hai moitas e variadas. Se clicades aquí atoparedes moitas.

TRABALLAMOS MÁIS SOBRE A PAZ

LEVAMOS VARIOS DÍAS TRABALLANDO SOBRE A PAZ.
FIXEMOS ARTIGOS, DEBUXAMOS, DEBATEMOS A CONSTITUCIÓN, VOTAMOS, LEMOS TEXTOS VARIADOS,...
UNHA LECTURA SOBRE O TEMA QUE ESTAMOS A TRABALLAR NESTA QUINCENA, UNHA POESÍA DE GLORIA FUERTES, PROVOCOU UNHA INVESTIGACIÓN NA CLASE SOBRE A AUTORA.
FÍXOSE UN MURAL COS DATOS MÁIS SALIENTABLES. AQUÍ UNHAS COMPAÑEIRAS E UN COMPAÑEIRO AMOSAN CON ORGULLO O TRABALLO REALIZADO POR ESTRELA, PAULA E NOELIA.

OS NOSOS CONTOS SOBRE AS MENTIRAS

NAS CLASES DE 4ºA E 4ºB ESTIVEMOS INVENTANDO CADANSEU CONTO. OS CONTOS SON A ACTIVIDADE COA QUE PECHAMOS O NÚCLEO DE TRABALLO DO PRIMEIRO TRIMESTRE. PASÁMOLO A UNHAS PÁXINAS TROQUELADAS E IMOS LEVALO AO SALÓN DO LIBRO, AGARDAMOS QUE VAIADES VELO ALÍ.

ENTRAMOS NO 2011

COMEZAMOS O ANO TRABALLANDO. ESTAMOS ESCRIBINDO O CONTO DE VILAVERDIÑO... ULTIMAMENTE NON FAI MÁIS QUE CONTAR MENTIRAS... NON CREMOS NADA DO QUE DI, MINTE TANTO!

RECIBIMOS UNHA CARTA DA MASCOTA DE CLASE... E ISO SIGNIFICA QUE NOS PROPÓN UN NOVO TRABALLIÑO, CREMOS QUE VAI IR SOBRE A PAZ. XA VOS CONTAREMOS!